ზ ა მ თ ა რ ი

Tuesday, January 1, 2013

ზამთრის კურორტები

თურქეტის ზამთრის კურორტები

თურქეთი გეგმავს, აქტიურად განავითაროს სამთო სათხილამურო ბაზები. ამ ეტაპზე ქვეყნის მთის კურორტებზე 15 ათასი ადგილია, ყველაზე ცნობილი კურორტი კი პალანდოკენია, რომელიც ზამთრის ტურისტების ნახევარზე მეტს იღებს. 2011 წლისთვის თურქეთი სამთო–სათხილამურო დასვენების ბაზის გადაიარაღების დაწყებას გეგმავს. საკუთარი პოტენციალის შესახებ ქვეყანა ზამთრის უნივერსიადაზე განაცხადებს, რომელიც პალანდოკენში 2011 წლის იანვრის ბოლოსა და თებერვლის დასაწყისში გაიმართება. პროექტში უკვე ჩაიდო 100 მილიონი დოლარი, ახლო მომავალში კი კიდევ 300 ათასის ჩადება იგეგმება.
თურქეთის სათხილამურო ფედერაციის ხელმძღვანელის იოზერ აიიკის განცხადებით, 2011 წელს თურქეთი 30 ახალი სათხილამურო კურორტის გახსნას გეგმავს. დღეს კი ქვეყანას, რომლის 62% მთებითაა დაფარული, მხოლოდ 10 მთის კურორტი აქვს. თუმცა თურქეთი იმედოვნებს, რომ უკვე მომავალ წელს ამ კურორტების დამსვენებელთა რაოდენობა მნიშვნელოვნად გაიზრდება. დღეისათვის ზამთარში თურქეთში დასასვენებლად ძირითადად რუსეთის, უკრაინის და ირანის მოქალაქეები ჩადიან. თავად თურქეთიდან კი უამრავი ადამიანი მიემგზავრება უცხოეთის ზამთრის კურორტებზე. მაგალითად, საფრანგეთში თურქეთიდან დასასვენებლად ყოველწლიურად 200 ათასი ტურისტი ჩადის.

დასვენება თურქეთში

სარაკამიში (ყარსი) - ეს ზამთრის კურორტი საქართველოსთან ყველაზე ახლომდებარე სათხილამურო კუროტია თურქეთის ტერიტორიაზე. იგი 2100 - 2700 მ. ზოლში მდებარეობს და სხვა თურქეთეის ზამთრის კურორტებისგან გამოირჩევა თოვლის საფარის მაღალი ფენით. ამ კუროტზე რამდენიმე სათხილამურო ტრასა. საბაგირო გზის მაქსიმალური სიმაღლე 2634 მეტრია. სეზონი დეკემბრის ბოლოს იხსნება და მარტის შუა რიცხვებამდე გასტანს.

პალანდოკენი (ერზრუმი) - სხვადასხვა სირთულის 20-მდე სათხილამურო ტრასა. მაქსიმალური სიმაღლე 3115 მ. 5 საბაგირო გზა. სასტურმოები მდებარეობენ 2100-2600 მეტრზე ზღვის დონიდან. სათხილამურო კურორტზე ტყე არაა.

ულუდაგი (ბურსა) - 13 სათხილამურო ტრასა. მაქსიმალური სიმაღლე 2230 მ. ტრასების გამტარუნარიანობა - 600-დან 1200 კაცამდე საათში. სასტუმროები მდებარეობს 1600-1900 მეტრიან ზოლში. კურორტს აქვს როგოც ტყეში გაჭრილი ტრასები, ასევე სრულიად თავისუფალი ტრასები (3 ტრასა).

ერციეს მთა (კაისერი) - ყველაზე მაღალი მთა ანატოლიაში. 15-მდე სხვადასვა სირთულის ტრასა. მაქსიმალური სიმაღლე საბაგირო გზით (5 საბაგირო გზა) 2970 მ. ხოლო ექსტრემალებისთვის (ვერტმფრენით გადაყვანა) - 3917 მ. ქალაქ კაისერიდან 23 კმ. ხოლო ტრაბზონიდან 715 კმ. ცენტრალური თურქეთის საუკეთესო ზამთრის სათხილამურო კურორტი.

კარტალკაია (ბოლუ) - ეს ზამთის სათხილამურო კურორტი სტამბულიდან აღმოსავლეთით დაახლოებით 200 კმ. მდებარეობს და განთავსებულია 2250-1780მ. ზოლში. შავ ზღვასთან ახლომდებარეობის გამო ნალექების რაოდენობა ზამთარში დიდი, შესაბამისად თოვლის საფარიც საკმარისია კარგი სათხილამურო კურტისთვის. ამ კურორტზე 20-მდე სათხილამურო ტრასა და 11 საბაგირო გზაა. თითოეულ ტრასას საშუალოდ საათში 600 ადამიანის გატარება შეუძლია.

კანადა

ყინულის სასტუმრო – კვებეკში

ცენტრიდან 10 წუთის სავალზე კვებეკში – კანადა, მდებარეობს ყინულის სასტუმრო – Hôtel de Glace, რომელიც ქალაქის ერთ–ერთ მთავარ ღირსშესანიშნაობად ითვლება. სასტუმრო გაიხსნა 2001 წელს, რომელსაც დღემდე მილიონ ნახევარზე მეტი სტუმარი ეწვია. უზარმაზარი ყინულის გამოქვაბული გაფორმებულია სხვადასხვა ქანდაკებებით, ღამის გათევა სტუმრებს უწევთ საძილე ტომრებში, სასტუმროს ღირებულება კი დღე–ღამეში 219$–დან იწყება.

500 ტონაზე მეტი ყინული გახდა საჭირო ამ სასტუმროს ასაშენებლად

სატუმროს ფართობი შეადგენს 3000კვ.მ. ნომრების რაოდენობა კი 36, რომელთა ჭერის სიმაღლეც 5,4 მეტრია

ყოველ წელს სასტუმრო სხვადასხვანაირად გარდაიქმნება, რაც კიდევ უფრო იზიდავს ტურისტებს. წელს სეზონი იხსნება 2012 წლის 6 იანვარს და გაგრძელდება 25 მარტამდე

სასტუმროში ყველა ავეჯი ყინულისგან არის დამზადებული. ლოგინები საკმაოდ კომფორტულია დასაძინებლად. ყინულის ზედაპირი დაფარულია ხის მასალით, რომლის ზემოდანაც დაგებულია ლეიბები. საძილე ტომრები და ბუხარი კი ქმნის საკმაოდ თბილ გარემოს.

ალპები

ალპები, ალპის მთები — ერთ-ერთი უმაღლესი მთათა სისტემა ევროპაში. გადაჭიმულია ხმელთაშუა ზღვის სანაპიროდან შუა დუნაის დაბლობამდე. ალპების გეოგრაფიული საზღვრების ფარგლებში მთლიანად ან ნაწილობრივ მდებარეობს 8 სახელმწიფოსტერიტორია, ესენია: საფრანგეთი, მონაკო, იტალია, შვეიცარია, ლიხტენშტაინი, გერმანია, ავსტრია და სლოვენია. ალპები გადაჭიმულია დაახლოებით 1200 კმ-ზე, სიგანე 50-260 კმ. უმაღლესი წერტილის სიმაღლეა ზღვის დონიდან 4808 მ (მონბლანი,დასავლეთ ევროპის უმაღლესი მწვერვალი) ალპების მთათა სისტემის საერთო ფართობია დაახლოებით 207,000 კმ².

ალპები დასავლეთი ევროპის ცენტრალური ნაწილის მაღალმთიანი ოლქია. იგი თავისი თოვლითა და ყინულებით კვებავს დასავლეთი ევროპის მრავალ დიდ მდინარეს და მათ შენაკადებს, დიდ გავლენას ახდენს შუა ევროპის ჰავაზე და თანაც ბუნებრივილანდშაფტების თავისებური კომპლექსებით ხასიათდება. განსაკუთრებით გამორჩეულია ალპების გეოლოგიური აგებულებისგანსაკუთრებული სირთულე და მთების რელიეფის ფორმები. მთების მნიშვნელოვანი საერთო სიმაღლე, მათ მკვეთრად დანაწევრებასთან ერთად, განსაზღვრავს ვერტიკალური ლანდშაფტების ზონების მკაფიოდ გამოხატულ ცვლას და ტიპიური ალპური ლანდშაფტების ფართო განვითარებას. ამ თვისებების მიხედვით, ალპები გამოიყოფა როგორც ევროპის, განსაკუთრებით, დიდი ფიზიკურ გეოგრაფიული ოლქი.

ალპები ქმნიან მძლავრ ერთიან მთის რკალს, რომელიც ხმელთაშუა ზღვის გენუის უბის ნაპირთან იწყება; აქ, შევიწროებულ და დადაბლებულ რაიონში, ერთმანეთს ხვდება ორი მაღალმთიანი მთის სისტემა: ალპები და აპენინები. აქედან ალპები ჯერსამხრეთ-დასავლეთისაკენ მიემართება, ზღვის სანაპიროს გასწვრივ, სადაც თავისი სილამაზით ცნობილი საფრანგეთის რივიერამდებარეობს, შემდეგ კი მკვეთრად იღუნება ჩრდილო-დასავლეთისა და ჩრდილოეთისაკენ. ეს რაიონი ცნობილია ზღვისპირა ალპების სახელწოდებით. შემდეგ ჩრდილოეთისაკენ, მაღალმთიანი ზონა, შესამჩნევად მაღლდება და ფართოვდება; მატულობს როგორც მთების სიმაღლე, აგრეთვე ბუმბერაზი მასივებისა და მწვერვალების, თოვლიანი, მძლავრი მყინვარებით დაფარული გოლიათების რიცხვი.

ალპების, პირენეების და კარპატების მთიანი სისტემა, ევროპისათვის პირობით საზღვარს ქმნის თბილ სამხრეთსა და ცივ ჩრდილოეთს შორის.

ალპები
იუნგფრაუ, ბერნის ალპები, შვეიცარია
კონტინენტი	ევროპა
მდებარეობა	საფრანგეთი მონაკო იტალია შვეიცარია ლიხტენშტაინი გერმანია ავსტრია სლოვენია
აგებულია	კრისტალური ქანებით, კვარც-ფილიტური ფიქლებით, გრანიტული ინტრუზიებით, ფილიტური ფიქლებით, ქვიშაქვებით, კირქვებით, ფლიშით, მოლასებით.
სიგრძე	1200 კმ
სიგანე	50-260 კმ
მწვერვალი	მონბლანი
სიმაღლე	4808 მ

ზამთრის მოდა

თბილი დღეები კარგა ხანია მიილია და ზამთარი მოგვადგა კარს.
გამოტყდით, რამდენ ადამიანს არ გიყვართ წელიწადის ეს დრო სითბოს უკმარისობის გამო! ფაქტია, რომ ზღვის სანაპიროზე გატარებული ზაფხულის თბილი დღეების ნოსტალგია გეწყებათ და სულ არ გახარებთ სუსხიანი, მოღუშული დღეების დადგომა. ...ყინვა, ქარი, თოვლი, უმოკლესი დღეები და გრძელი უმთვარო ღამეები... თუმცა შეიძლება ზამთარს მეორე მხრიდანაც შევხედოთ და დავინახავთ რამდენი ხიბლია მასში. მთავარია კომფორტულად შეგვეძლოს მისი გატარება!
ზამთარში თბილი და მოხერხებული სამოსის გარეშე ფონს ვერ გავალთ. არც დიზაინერები ივიწყებენ ამის შესახებ და უკვე მრავალი სეზონია, რაც ზამთრის კოლექციის შექმნისას მთავარ საკითხად რჩება სითბო და კომფორტი.
ყოველთვის, როცა ზამთრის სეზონის სამოსს ვირჩევთ, უნდა გვახსოვდეს, რომ ის ლამაზი, სექსუალური, თბილი და ამავე დროს ძალიან მოხერხებული უნდა იყოს. აქედან გამომდინარე, თუ ზამთრის სამოსი კარგად იქნება შერჩეული, მაშინ ის თქვენ მაქსიმალურად დაგიცავთ სიცივისაგან და შეავსებს ამ სეზონს ახალი შეფერილობითა და ემოციებით.

წლის ამ დროს ყველაზე მეტად უხდება ბეწვი. ზამთარი და ბეწვი ხომ ერთმანეთისაგან განუყოფელი მცნებებია. წელს ბეწვი იქნება მოდაში არამარტო როგორც ძირითადი სამოსის - ქურქების სახით, ასევე მოსასხამების, უსახელო ჟილეტების, საყელოებისა და სამოსის გასაფორმებლად.

უნდა აღინიშნოს რომ 2012 წელს ასევე აქტუალური იქნება მოქსოვილი პალტოები, რომლებიც ეთნიკური ელემენტებით იქნება შემკული; ასევე პალტოები ოვალური სილუეტით და მოკლე და გრძელი ქურთუკები.

პალტო კვლავ მოდაშია, მისი სტილი კი მრავალფეროვანი, რომელიც დამოკიდებულია უფრო მისი მფლობელის ფინანსურ შესაძლებლობებზე.

2012 წელს ყველაზე მოდური ფერები იქნება ხაკისფერი, ზურმუხტის ფერი, მუქი ლურჯი, მუქი წითელი, ლალისფერი და ასევე შეუცვლელი შავი და თეთრი. როგორც თავად კოკო შანელი ამბობდა: "შავი - ეს უნივერსალური ფერია, რადგან ის ყველა ფერს შეიცავს".

ძნელია ჩაიცვათ თბილად, კომფორტულად სუსხიან ამინდებში და ამასთანავე შეინარჩუნოთ სექსუალურობა. მაგრამ თუ თვალს გადაავლებთ ამ სეზონის კოლექციებს, ნახავთ რომ შეიძლება არჩევანი გააკეთოთ ისეთ ნივთებზე, რომელიც ზუსტად გაუსვამს ხაზს თქვენს მომხიბვლელობას და თქვენ ხელს არაფერი შეგიშლით იოცნებოთ თავგადასავლებზე!

2012 წლის მოდა.

რა ჩავიცვათ ახალ 2013 წლის ღამეს?

2013 წელი დგება და ყველამ ვიცით, რომ შავი წყლის გველი ცვლის შავ წყლის დრაკონს. ეს კი იმას ნიშნავს, რომ დამდეგ წელს შენარჩუნდება ის ძირეული ტენდენციები მოდის სფეროში რაც იყო შარშან. წელს აქტუალური იქნება შავი, თეთრი, ვერცხლისფერი, ლურჯი, ცისფერი, მწვანე და ყველა ის ფერი, რომელიც წყალთან ასოცირდება.
საღამოს კაბები
გველს ისევე როგორც სხვა სიმბოლოებს, თავისი მახასიათებლები გააჩნია. ამიტომ სამოსი მის ხასიათს უნდა ატარებდეს. ეს კი იმას ნიშნავს, რომ კაბები უნდა იყოს მკაცრი სტილის, ტანზე მომდგარი, რათა მოძრაობები გამოკვეთილი იყოს. არ უნდა იყოს ზედმეტი დეტალები, ამასთანავე კაბა საინტერესო უნდა იყოს და არა მოსაწყენი. ამისათვის მას დაამატეთ შესაფერისი აქსესუარი, ჰარმონიული ჩანთა და ფეხსაცმელი. მაგრამ არ დაივიწყოთ, რომ ყველა დეტალი საგულდაგულოდ უნდა იყოს მოფიქრებული, შერჩეული და ერთმანეთს შერწყმული.
რაც შეეხება სტილს, ის ხაზს უნდა უსვამდეს თქვენს ფიგურის სილამაზეს. გველი მოხარული იქნება იხილოს მის დასახვედრად „გველის ტყავში" გამოწყობილი მანდილოსნები, რაც იმას გულისხმობს, რომ სამოსი სხეულზე უნდა იყოს შემოტმასნილი. სასურველია მაქსიმალურად გრძელი კაბები ან ქვედაბოლოები.
თუ თქვენი სხეული არაა იდეალური, არ არის აუცილებელი ვიწრო კაბაში გაიჭედოთ. შეარჩიეთ კაბა თქვენი ფიგურის შესაფერისად, სხეულის ნაკლი მის ნაკეცებსა და ნაკერებში დამალეთ და დაიმახსოვრეთ, რომ მთავარია მოხდენილად გეცვათ და თავს კომფორტულად გრძნობდეთ.

მასალა
ქსოვილები, რითაც სამოსი იქნება შეკერილი, გველს უნდა მოგვაგონებდეს თავის შეფერილობითა და ელვარებით. წლის ფავორიტებად ითვლება ატლასის, აბრეშუმის, ბრჭყვიალა და მოელვარე ქსოვილების კაბები. ასევე პოპულარობით ისარგებლებს ტყავის მასალა. არ არის აუცილებელი კაბა მთლიანად ტყავისაგან იყოს შეკერილი, საკმარისია ცალკეული ელემენტები ჰქონდეს ამ მასალით გაფორმებული. მოერიდეთ ნატურალური გველის ტყავის გამოყენებას. ამით წლის დედოფლის განრისხებას გამოიწვევთ, რაც 2013 წელს კარგს არაფერს გიქადით. შეეცადეთ ბრძენ გველს თავი მოაწონოთ და წარმატებები გაიზიაროთ ამ წელს კარიერასა თუ პირად ცხოვრებაში.

აქსესუარები
გირჩევთ აქსესუარების არჩევანის დროსაც შეინარჩუნოთ მკაცრი და ელეგანტური სტილი. უპირატეობა მიანიჭეთ ძვირფას ლითონებს. თეთრი ოქრო და ვერცხლი ყველაზე მეტად აქტუალური იქნება საახალწლო ღამეს. ფერად-ფერადი მოელვარე ქვებისგან თავი შეიკავეთ, რომ გველის ბრწყინვალება არ დაჩრდილოთ. აი, მარგალიტები კი (განსაკუთრებით შავი ფერის) ყველაზე მეტად მოსწონს გველს. ის ერთ-ერთი სტიქიაა წყლის გველისა. თუ მარგალიტები თქვენს სამოსს უხდება, თამამად მოირგეთ ისინი.
არ დაივიწყოთ, რომ ადამიანს ყველა სამოსზე მეტად ამაღლებული განწყობა ამშვენებს. გახალისდით, დაივიწყეთ ყოველდღიური საფიქრალი, სიხარულითა და იმედებით აღსავსე შეეგებეთ ახალ წელს! ის თქვენთვის ბედნიერების მომტანი იქნება!